General

ЭЛЕКТРОЭНЕРГЕТИКЕ ФАКУЛЬТЕТ

ФАКУЛЬТЕТ НЕРГЕН

Адрес: 424002, Йошкар-Ола, Машиностроитель урем, 15-ше пӧрт («Е» корпус)

Тел.:(8362) 68-79-69

e-mail: eef@marsu.ru

1992-шо ийыште физике да математике факультетыш 100400 «Электроснабжений» специальностьым пуртеныт, а 1996-шо ийыште тиде специальность негызеш электроэнергетике факультет почылтын. Икымше деканлан Марий Элын сулло энергетикше Л.М. Рыбаковым шогалтеныт. Эн ончыч факультетыште электромеханике да электроэнергетике кафедр гына лийын, вара электроснабжений кафедр ышталтын (2008 -ше ий гыч электроснабжений да технике диагностике кафедр лӱмым нумалеш).

Тачысе кечын факультетыште 20 утла тунемме лабораторий, диплом да курсовой пашам ямдылыме класс, компьютер класс, тунемме полигон (110/35/6 кВ-н подстанций, трансформаторын вийже 6,3 МВА), электроснабжений да технике диагностике кафедр пелен аспирантур пашам ышта.

Факультет тӱрлӧ предприятий-влаклан энергоустановко дене пашам ыштен моштышо кӱкшӧ квалификациян специалист-влакым ямдыла. Факультетым 800 утла инженер-электрик тунем лектын. Выпускник-влак Марий Элыште, элын моло регионлаштыже, тыгак йот эллаште пашам ыштат.

Факультетын шымлымаш пашаже энергетике да электротехнике дене кылдалтын. Шымлымаш пашам вӱдышӧ – технике шанче доктор, профессор Л.М. Рыбаков. Шымлымаш пашам эртарыме годым кафедр-влак Российын шуко научнын шымлыше институт, вуз да энергосистеме дене кылым кучат.

ТУНЫКТЫМО ПРОГРАММЕ-ВЛАК

Бакалавриат (очный)

Направлений: 13.03.02 Электроэнергетике да электротехнике

Квалификаций: бакалавр

Тунемме формо: очный (4 ий)

Бакалавриат (заочный)

Направлений: 13.03.02 Электроэнергетике да электротехнике

Квалификаций: бакалавр

Тунемме формо: очный (5 ий/ 3 ий да 5 тылзе)

Магистратур (очный)

Направлений: 13.04.02 Электроэнергетике да электротехнике

Квалификаций: магистр

Тунемме формо: очный (2 ий)

Магистратур (заочный)

Направлений: 13.04.02 Электроэнергетике да электротехнике

Квалификаций: магистр

Тунемме формо: заочный (2 ий да 5 тылзе)

ВУЙЛАТЫШЕ-ВЛАК

Волков Сергей Владимирович,

факультетын декан пашам шуктышо, технике шанче кандидат, доцент;

Орлов Александр Игоревич,

туныктымо паша шотышто директорын алмаштышыже, технике шанче кандидат, доцент;

Борисова Валентина Михайловна,

шуарыме паша шотышто директорын алмаштышыже, преподаватель.